Kuluŋ lahte solo lool pesi ɓëy Ndút.
Kuluŋ
Ɓëy Ndút na ñamu yii pagu Senegaal ɓéeɓ naam, ndaa wa lahute ñamaɗɗi fu yúhté biti daa wa lahru wa affi wa, wuti lahte na ñamaɗɗi hompe múuƴ jamanaa homuu yen bee ra. Wa húmú ñamuu kiiɗ, nek a gësí.
Kiiɗ : daa ri ñamada lukki lah solo ndút ɗë. Ɗi paguu a too mbée tuutaaɓ. Ɗi húmú hoñci ñamuu ɓaaɓ a fíníin (cëec a reer).
Nek : paguu a too (sélgís) te ñamuu a gehi túmú ɓaꞌ, mbée karaɗ, mbée sun, mbée miis, mbée kii, mbée geh nëtëré. Ɗi húmú hoñci ñamuu naꞌ (añ).
Gësí : paguu a bësí mbée ngírëen ti di na paguu maalaw nen. Ɗi na húmú ñamu naꞌ a elek ɓéeɓ.
