Kiis
Lah hew gaan gina ɓëewë ɓéeɓ waɗti dëekú rëe, kiis daa na fiisu.
Kiis
Kúlúɓ
Kúlúɓ
Bee daa kúlúɓ kí ɓëy Luhus a ɓëeꞌ në húmú yef ɗi ra.
Ɗee na fiisuu kúlúɓ rë
Gúm-ɓaha
Ɗi yugusuu a kilki pelu pelo, gúlúté ɓúgí yínëe, pokute níh.
Ɗi húmú típúu luuy kélfë kíilë. Tígí na típúu rí, kúkëy na húmú leɓeeh daaha toñeh ɗi ay húlé.
Bee gúm-ɓahii ɓëy Jaap. Ɓëeꞌ në yef ri ra a ɓëeˈ në típ ri rë.
Gúm-ɓaha
Yeesa
Yeesa : ɗi aan coosaan, ɓëy Hay daa lahuu ri. Ɗi hom típúu luuy kélfë gaan, te ɗi na ƴégítéeh húlúɓ, ndah ƴégítëhí húlúɓ wuneh gina na.
Ɗee man ɗi oluu ri yen bee ra nék, ɗeef ɗi yahte. Yee na luum sun baa ra, permiyaabuli daa múurú sun kaaꞌ ow ay yérëntée ot tala, ndah ɓëyí fí reppe daa na ot tala. Yee tah ɗi man ɗee leegi ra, biti ɓëewë húmú gina lahaꞌ ri ɓéeɓ hoñutee koloh suute teeriin, maanam gina lahlay ɓaha. Woteh fee Koo beh, ɓëyí fi fahaꞌ oli, yulee Laman Siis na Gëwút.
