SIL Senegaal ɓaattee dahas yii lahte solo, bi na bíníyúu koyyi unna wonaɗɗa Senegaal a mësín. Wa koyyi unni fi yúhté biti ɓani ƴi tuwaaba bokuuy tiilaɗ te ayaay a mësnë na ana' rii cép has-has ka ra. Di na ɓekuu ri mësín lahte tígí ñeyuu ri a ow meeluy na yíníl. Di na bíníyúu koyyi unna mín ñéerë' ɗee tíkë' butoŋŋi mësní mín ɗii hen ɓéeɓ. Ɗon faha' ɓaatti yúh yii leŋke na raa, lëɓí sun fi "Lisez-moi".
Butoŋŋi portaabulu
Ɗon mín ɓeɓ:
Clavier pour votre portable Androïd !
Di na ñeya' ow butoŋ portaabul bíní 'ɓ', 'ɗ', 'ƴ', 'ŋ':
Fu ƴahti bíní kooju raa, neɓ ɗo raa fu laɓa sun fi 6 fë, ɗi tiil tígí ɓ fë ; mbée fu bíníyëe rí ti di na wonuu ri ɓëy palu nen (mb, nd, nj).
Yee lah solo na wonuu bee ra mín tah ow bíní wonaɗ caak te méelíh në yíníl biti ri ƴah rii ɓeɓ 'playstore Google' ɓek ri portaabul.
Fu ƴahti bíní di wonadi Ndút ɗëe, lah bíníyée a ɗee tíkë' butoŋŋa ɗeh (AZERTY / QWERTY), na wonuu 'sil_ndv_latin_azerty.kmp' te hom tígë ɓeyuu wa mësnë rë.
Di nay kéldée portaabula a yee dahasu baa ra nék mín yooɓ mín bañci yooɓ ndah portaabulla ɓéeɓ neh daa man. Yee nay fun ɗon wone ra ɗi biti tíl níi fíi rëe, fun ay ron rii ɓaatti ɓíssë'.
